Friðrik Ingi ráðinn tæknistjóri KAPP

Friðrik Ingi Óskarsson véltæknifræðingur hefur verið ráðinn tæknistjóri hjá framleiðslu- og þjónustu fyrirtækinu KAPP. Friðrik er 26 ára gamall en hann útskrifaðist frá Háskólanum í Suður-Danmörku (SDU) fyrr á þessu ári og er að auki með sveinspróf í rafvirkjun.

Fram kemur í tilkynningu að Friðrik hefur starfað hjá KAPP með hléum frá stofnun fyrirtækisins og því með víðtæka reynslu á öllum tækni- og framleiðslubúnaði, þar með talið OPTIM-ICE ísþykknibúnaðinum sem KAPP ehf. framleiðir.

„OPTIM-ICE er með bestu kæliaðferðum sem fyrirfinnast í dag en ísþykknivélarnar hafa einstaklega hraða kælingu og eiginleika sem fara mjög vel með hráefnið,“ segir í tilkynningunni.

KAPP er með höfuðstöðvar að Miðhrauni 2 í Garðabæ og hjá fyrirtækinu starfa um 32 starfsmenn.

• Blogga um frétt