Stefnt að siglingum milli Reykjavíkur og Tasiilaq

Royal Arctic Line, skipafélag í eigu grænlenska ríkisins, undirritaði samning 20 desember um kaup á nýju skipi til gámaflutninga og mun það aðallega sigla milli Tasiilaq á austurströnd Grænlands og Reykjavíkur, að því er segir á heimasíðu félagsins. Áformin eru sögð bæta þjónustu við Austur-Grænland verulega og mun skipið einnig vera varaskip fyrir Vestur-Grænland.

Áætlað er að skip Royal Arctic Line verði afhent í apríl og að það muni koma til hafnar í Reykjavík vikulega. Flutningsgeta skipsins mun vera 108 TEU (tuttugu feta einingar).

Á vef fyrirtækisins segir að stefnt hefur verið að því um tíma að auk tengingu við Ísland og auka þjónustu við Tasiilaq um 50%. Þá munu áformin tengja Tasiilaq við alþjóðlegt flutningskerfi og samhliða flugi til Reykjavíkur geta vörur frá Austur-Grænlandi náð til neytenda og veitingahúsa á 72 tímum.

Nýja flutningaskipið verður afhent í apríl á næsta ári. Mynd/Royal Arctic Line

Royal Arctic Line A/S var stofnað 1993 og er að fullu í eigu grænlenska ríkisins. Skipafélagið er með einkaleyfi fyrir vöruflutninga yfir sjó til og frá Grænlandi auk strandsiglinga milli grænlenskra byggða. Einkaleyfinu fylgir ákvæði um grunnþjónustu sem á að tryggja nægileg aðföng bæði á austur- og vesturströnd landsins.

Skipafélagið hefur verið í samstarfi við Eimskip um tíma.

Frétt af mbl.is

Straumlínulaga kerfið með færri og stærri skipum

• 1 blogg um fréttina

Bloggað um fréttina

• Ómar Ragnarsson: Hefur lengi verið tilefni til aukinna samskipta við Grænlendinga.