Afgerandi andstaða gegn sjókvíaeldi er meðal íslensks almennings ef marka má niðurstöður skoðanakönnunar sem Gallup hefur gert fyrir Verndarsjóð villtra laxastofna (NASF). Þar segjast 75,8% af þeim 682 sem svöruðu telja villta laxastofninum stafi frekar eða mjög mikil hætta af eldi í opnum sjókvíum og 57,5% telja að banna ætti laxeldi í opnum sjókvíum.

Kjósendur VG vildu langflestir banna þessa starfsemi og sögðust 83% þeirra vilja það og 79% kjósenda Pírata. Þá vilja 38% kjósenda Sjálfstæðisflokksins, 41% kjósenda Framsóknar, 68% kjósenda Samfylkingarinnar, 59% kjósenda Viðreisnar, 58% kjósenda Flokks fólksins, 40% kjósenda Miðflokksins og 50% kjósenda Sósíalistaflokksins banan sjókvíaeldi í opnum kvíum.

Landssamband veiðifélaga, Verndarsjóður villtra laxastofna (NASF), Icelandic Wildlife Fund, Landvernd umhverfisverndarsamtök og VÁ - Félag um vernd fjarðar, boðað til samstöðufundar og mótmæla á Austurvelli, þann 7. október til að krefjast þess að stjórnvöld stöðvi sjókvíaeldi.

Frétt af mbl.is

​Mótmæla sjókvíaeldi á Austurvelli

Flestir neikvæði gagnvart sjókvíaeldi

Þá svöruðu 790 spurningu um hvernig þeir líta á greinina og sögðust 63,5% þeirra að þeir væru neikvæðir gagnvart sjókvíaeldi en einungis 14% sögðust jákvæð gagnvart slíkri starfsemi.

Meðal svara þeirra 414 sem lýstu ástæðu þess að þeir séu neikvæð gagnvart eldinu bar hæst á góma hætta á blöndun við villta laxinn og segja 40% svarenda það ástæðuna sem er töluverð fjölgun í þessum hópi frá í febrúar þegar 24,2% sögðu það sama. Mikil umræða hefur verið í samfélaginu í kjölfar þess að töluverður fjöldi frjórra laxa sluppu úr sjókví í Patreksfirði í ágúst.

Frétt af mbl.is

Skoða hvort refsiákvæði eigi við

Alls segjast 38,5% líta sjókvíaeldi neikvæðum augum vegna hættu á að lax sleppi. 23,3% vegna mengunar  og 13,4% vegna umhverfisáhrifa.

Langflestir sem sögðust jákvæðir gagnvart sjókvíaeldi sögðu það vegna þeirra atvinnutækifæra sem fylgja greininni eða 72,5% þeirra.

Mesta ánægjan í Norðvestur

Svarendur í Norðvesturkjördæmi eru ánægðastir með sjókvíaeldið og sögðust 27% þeirra vera mjög eða frekar jákvæðir gagnvart laxeldi í opnum sjókvíum. Á meðan minnsta jákvæðnin var meðal þeirra í Reykjavíkurkjördæmi suður, en þar sögðu aðeins 7% það sama.

Mesta hlutfallið sem sagðist neikvætt gagnvart sjókvíaeldinu er að finna í Reykjavíkurkjördæmi norður þar sem 73% sögðust frekar eða mjög neivæð gagnvart sjókvíeldi í opnum kvíum. Minnsta hlutfallið var hins vegar í Suðurkjördæmi þar sem 52% sögðust neikvæð gagnvart þessari starfsemi.

Tengdar fréttir

Fiskeldi

Sjókvíaeldi stefnir í átt að samþættri hringrás

• Ræða um rekstrarleyfi til 16 ára
• Mikilvægt að endurskoða leyfi til lagareldis
• Aldrei meira til Austfjarða úr fiskeldissjóði
• Björk varar við frumvarpi ríkisstjórnarinnar

» Fleiri tengdar fréttir

• Blogga um frétt