VS-afli meiri vegna uppgjörsskilyrða?
Setja bókamerki
Sterkar vísbendingar eru um að mikla aukningu í VS-afla undanfarin ár megi rekja til þess að útgerðum hafi verið gert heimilt að gera upp við sjómenn á lægra verði fyrir slíkan afla en lágmarksverð Verðlagsstofu heimilar. Bein samsvörun virðist vera milli niðurstöðu Héraðsdóms Reykjaness þess efnis og að ör vöxtur færðist í nýtingu heimildar til að skrá afla sem VS-afla, að því er fram kemur í Morgunblaðinu.
Um er að ræða afla í veiðiferð sem skipstjóra er heimilt að ákveða að reiknist ekki til kvóta skipsins, er tilgangurinn að auka sveigjanleika og minnka brottkast. Selja þarf aflann á uppboði á fiskmörkuðum en aðeins 20% fellur í hlut útgerðar og 80% fara til ríkissjóðs, nánar til tekið Verkefnasjóð sjávarútvegsins.
Í niðurstöðu Héraðsdóms Reykjaness frá 13. nóvember 2017 í máli Sjómannasambands Íslands gegn Þorbirni hf. kom fram að það væri ekki brot að gera upp við sjómenn á grundvelli þeirra 20% sem falla í hlut útgerðar þegar VS-afli er annars vegar.
„Því hefur Verðlagsstofa miðað við þetta fyrirkomulag við útreikninga sína á aflahlut, þ.e. að skipt sé úr 20% þess aflaverðmætis sem fæst fyrir aflann á uppboðsmarkaði. Viðmiðunarverð á ekki við í slíkum tilfellum, heldur einungis um afla sem seldur er í beinum viðskiptum milli skyldra aðila (og í einhverjum tilvikum afla sem landað er til byggðakvóta),“ segir í svari Verðlagsstofu við fyrirspurn Morgunblaðsins.
Lesa má umfjöllunina í heild í Morgunblaðinu í dag.
Sviss vann Eurovision
Rampur númer 1.100 vígður í dag
Keppanda aldrei verið vísað úr keppni áður
Ísland á HM eftir annan stórsigur
Jaðarsetning það versta
Eftir stóð sálin og hreinleikinn
Merkilegt hve lengi gosið hélt dampi