„Okkur hjá Félagi vélstjóra og málmtæknimanna (VM) gengur illa að semja við Samtök fyrirtækja í sjávarútvegi (SFS). Það eitt að hækka tímakaup vélstjóra í takti við tímakaup fyrir önnur sambærileg störf fær engan hljómgrunn við samningaborðið,“ skrifar Guðmundur Helgi Þórarinsson, formaður VM, í pistli á vef stéttarfélagsins.

Bendir hann á að tímakaup vélstjóra hafi ekki hækkað frá árinu 2019 en á sama tímabili hafa laun almennt hækkað um 43,4%. „Kröfu vélstjóra fyrir leiðréttu tímakaupi er varla hægt að tala um sem brauðmola þegar brauðhleifur útgerðarinnar er annars vegar. Þetta er mylsna.“

Félagsmenn VM felldu í mars því sem kallað var „tímamótasamningi“ við SFS með 59,72% atkvæða gegn 38,16%. Félagsmenn Sjómannasambands Íslands felldu einnig samninginn með 67,43% gegn 31,52%. Skiptjórnarmenn samþykktu samninginn með 55,39% atkvæða gegn 42,57%.

Frétt af mbl.is

Hyggst knýja á um frekari kjarabætur

Guðmundur Helgi segir stöðuna einkennilega og vísar til afkomu útgerðarfyrirtækjanna. „Hagnaðar Síldarvinnslunnar á fyrstu níu mánuðum þessa árs var rúmlega 8.600 milljónir íslenskra króna. Það er tæplega milljarður – þúsund milljónir – á mánuði. Brim hagnaðist á þriðja ársfjórðungi um 3.800 milljónir króna, svo annað nærtækt dæmi sé tekið. Fjölskyldufyrirtækið Fram ehf., sem Guðbjörg Matthíasdóttir á með fjórum sonum sínum, sem aftur átti ÍV fjárfestingafélag sem átti 58% hlut í Ísfélaginu, lækkaði nýverið hlutafé félagsins með 2.750 milljóna króna útgreiðslu til hluthafa. Það er nóg til.“

Hvert fiskiskip er fjárfesting upp á milljarða króna og ráða útgerðir vélstjóra til að hugsa um fjárfestinguna, segir formaðurinn. „Þegar skipin koma í land, að veiðiferð lokinni, fara allir heim til sín nema vélstjórarnir. Þeir þurfa að sjá um og stýra því viðhaldi sem þarf að inna af hendi, enda eru miklir fjárhagslegir hagsmunir í húfi. Á meðan stóru útgerðarfyrirtækin hagnast sum hver um milljarð á mánuði velja þau að greiða þeim sem sjá til þess að skipin séu í lagi tímakaup sem er lítið hærra en nemakaup í smiðju – og mun lægra kaup en vélvirkjar fá greitt.“

Nýr samningur milli sjómanna og útgerðar náðist í febrúar en VM og Sjómannasambandið felldi samninginn í atkvæðagreiðslu. mbl.is/Kristinn Magnússon

Verk að vinna

Bendir Guðmundur Helgi á niðurstöðu skoðanakönnunar Félagsvísindastofnunar Háskóla Íslands sem unnin var fyrir matvælaráðuneytið sem gaf til kynna að meirihluti landsmanna telja sjávarútveginn spillatan og að hann skapi verðæti fyrir fáa.

„Útgerðinni – og reyndar sjávarútvegsráðherra – er tíðrætt um mikilvægi þess að ná fram sáttum í sjávarútvegi. Það er alveg ljóst að útgerðin leggur ekki mikið á sig til að starfa í sátt við starfsfólkið sitt; hvorki samningslausa sjómenn né vélstjóra sem þiggja skítalaun við bryggju fyrir mikilvæga vinnu. Útgerðin hefur þarna verk að vinna.“

Frétt af mbl.is

Telja íslenskan sjávarútveg spilltan

Tengdar fréttir

Kjaramál sjómanna

Níu ára stöðugleikaskeið í kjaramálum sjómanna

• SVG og VM samþykktu samninginn
• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS

» Fleiri tengdar fréttir

• Blogga um frétt