Hvaða auglýsingar slógu í gegn?
Setja bókamerki
Úrslitaleikur bandarísku NFL-deildarinnar sem fram fór í nótt var kannski sá stigalægsti í sögunni en auglýsingarnar stóðu fyrir sínu venju samkvæmt.
Fyrir mörgum eru auglýsingarnar sem sýndar eru í tengslum við Ofurskálina eftirsóknarverðari en leikurinn sjálfur og síðustu ár hefur myndast sú hefð að auglýsendur leka auglýsingum sínum á netið áður en þær eru sýndar í tengslum við leikinn.
Öllu er tjaldað til þar sem rúmlega þriðjungur bandarísku þjóðarinnar situr límdur við skjáinn, auk fjölda erlendra áhugamanna, og því eru auglýsingarnar oft metnaðarfyllri og skemmtilegri en annars. Þær kosta líka sitt en samkvæmt frétt CNBC kostar hálfrar mínútu auglýsing 5,25 milljónir dollara, eða því sem jafngildir rétt tæpum 630 milljónum íslenskra króna.
En hvaða auglýsingar standa upp úr eftir gærkvöldið? Hér má sjá brot af því besta en þar koma við sögu…:
Serena Willams kraftmikil að venju, nú fyrir stefnumótaforritið Bumble:
Game of Thrones væru að sjálfsögðu ómissandi án Bud Light, er það ekki annars?
T-Mobile hefur fundið svarið við leiðinlegustu spurningu dagsins: Hvað á að vera í matinn? (Að minnsta kosti á þriðjudögum):
Carrie Bradshaw og The Dude með Stellu? Hvað varð um Cosmopolitan og Hvítan Rússa? Eru breytingar kannski til hins betra?
NFL tók að sjálfsögðu þátt í auglýsingagleðinni, þetta var jú kvöldið þeirra:
Ofurpabbinn John Legend fyrir Pampers, ásamt her af tónvissum ofurpöbbum:
Besta auglýsingaplássið var einnig nýtt til að koma alvarlegum og mikilvægum skilaboðum á framfæri. The Washington Post minntist fjölmiðlafólks sem lét lífið vegna starfa sinna á nýliðnu ári, þar á meðal sádi-arabíska blaðamannsins Jamal Khashoggi:
Strand skemmtiferðaskips kallar á erlenda aðstoð
Frambjóðendur skila inn listum í Hörpu
Þyngri refsing fyrir að nauðga stjúpdóttur æskuvinar
Hvorki sést áður hér á landi né annars staðar
Mál hjúkrunarfræðingsins fer aftur fyrir héraðsdóm
Bergnuminn í Hvalfirði