Hafa áhyggjur af röngum upplýsingum á Spotify
Setja bókamerki
Harry Bretaprins og Meghan Markle hertogaynja af Sussex hafa tjáð streymisveitunni Spotify af áhyggjum sínum af röngum upplýsingum um kórónuveiruna á veitunni.
Áhyggjur Harry og Meghan koma í kjölfar þess að listafólkið Neil Young og Joni Mitchell hafa látið fjarlægja tónlist sína af Spotify vegna hlaðvarpsstjórnandans Joes Rogans, sem þau telja veita rangar upplýsingar um veiruna.
The Guardian greinir frá því að Harry og Meghan hafa skrifað undir samning við Spotify um að framleiða hlaðvarp fyrir veituna.
Í yfirlýsingu frá hjónunum segir að þau muni ekki hætta vinnu sinni með streymisveitunni.
„Við lýsum áfram yfir áhyggjum okkar til að sjá til þess að Spotify komi á breytingum til þess að aðstoða við að takast á við heimsfaraldurinn. Við vonum að Spotify taki við áskoruninni og erum staðráðin í að halda vinnu okkar áfram,“ sagði í yfirlýsingu frá Harry og Meghan.
14 til 17 milljarða kr. tap vegna skerðinga
Fannari líst ágætlega á aðgerðirnar
Húsnæðisstuðningur framlengdur til áramóta
Tímaspursmál hvenær framleiðslu verði hætt
Segir forseta þingsins segja ósatt frá fundinum
Mennirnir í haldi lögreglunnar á Suðurnesjum
„Trúlega rákumst við saman“