Það er mikilvægt að hafa húmor fyrir sjálfum sér og þeim aðstæðum sem maður hefur lent í. Bandaríska söng- og leikkonan Idina Menzel hefur mikinn húmor fyrir sjálfri sér og hlær manna mest og hæst að einu eftirminnilegasta atviki sem gerst hefur á sviði Óskarsverðlaunahátíðarinnar.

Menzel, 52 ára, minntist þess á laugardag að tíu ár voru þá liðin frá því að stórleikarinn John Travolta kynnti söng- og leikkonuna á svið til að flytja lagið „Let it Go“ úr Disney-kvikmyndinni Frozen.

Margir muna eflaust eftir því þegar Travolta mismælti sig og kallaði Menzel kolröngu nafni og kynnti á svið Adele Dazeem.

Menzel nýtti því tækifærið um helgina, rifjaði upp atvikið og óskaði hliðarsjálfi sínu innilega til hamingju með tíu ára afmælisdaginn.

„Hæ, Adele Dazeem, þetta er ég Idina Menzel. Ég vildi bara óska þér til hamingju með afmælið,” sagði söng- og leikkonan, sem heillaði heiminn sem Elsa í Frozen. „Ég vildi bara senda þér ást og jákvæða orku í tilefni dagsins. Ég vona að þú eigir yndislegan dag.”

Tengdar fréttir

TikTok

Átta klukkustundir af upptökum fyrir rúma mínútu á TikTok

• Þetta eru uppáhaldsbækur Laufeyjar
• „Ég reyni að ögra sjálfri mér og geri allt það sem gerir mér gott“
• TikTok í mál við bandaríska ríkið
• Gerði allt vitlaust með svari sínu

» Fleiri tengdar fréttir

• Blogga um frétt