Aðdáendur segja Swift andlega og líkamlega uppgefna
Setja bókamerki
Tengdar fréttir
Poppkúltúr
/frimg/1/49/24/1492449.jpg)
Gífurlegt álag hefur verið á bandarísku tónlistarkonunni Taylor Swift upp á síðkastið. Áhyggjufullir aðdáendur Swift segja hana andlega og líkamlega uppgefna, en tónlistarkonan virtist veikluleg og óstyrk á tónleikum sínum í Singapúr á mánudagskvöldið.
Swift hefur verið í sviðsljósinu í tæp tuttugu ár. Hún kom fyrst fram á sjónarsviðið 2004, aðeins 14 ára gömul. Frá þeim tíma hefur Swift verið á fljúgandi siglingu, en síðustu ár hafa verið sérstaklega viðburðarrík og öflug, bæði innan tónlistargeirans og einkalífsins.
/frimg/1/45/76/1457610.jpg)
Tónlistarkonan var valin manneskja ársins 2023, fann ástina í örmum íþróttamannsins Travis Kelce, gerðist formlega milljarðamæringur og hóf gríðarlega farsælt tónleikaferðalag sitt, Eras Tour. Swift byrjaði tónleikaferðalag sitt í mars á síðasta ári og hefur ferðast vítt og breitt um heiminn í tæpt ár. Eras Tour lýkur um miðjan desembermánuð og er því nóg eftir.
Aðdáendum tónlistarkonunnar, hópurinn sem gengur undir nafninu Swifties, leist ekki á blikuna þegar myndskeið frá tónleikum hennar í Singapúr fóru að birtast á síðum samfélagsmiðla í gær.
Margir höfðu áhyggjur af því að Swift væri á leið að keyra sig í þrot, en tónlistarkonan er með þrjá tónleika til viðbótar á dagskrá í borginni áður en hún heldur í gott hvíldarfrí. Swift leggur af stað til Frakklands í maí en þá hefst tónleikaferðalagið að nýju.
Tengdar fréttir
Poppkúltúr
Fannari líst ágætlega á aðgerðirnar
Kostnaðurinn nemur allt að þremur milljörðum
Um 70 jarðskjálftar í kvikuganginum
Rannsaka drómasýki í hestum
Kærir teiknara Vísis til siðanefndar
Veita fyrirtækjum brú yfir óvissutímabil
Lögregla hafi hvatt til afturköllunar kæru