Karlmaður á sjötugsaldri hefur verið handtekinn í tengslum við andlát argentínska knattspyrnumannsins Emiliano Sala. Hann lést í flugslysi á leið frá Nantnes til Cardiff í janúar.

Sala var þá að ganga frá félagaskiptum frá franska liðinu til Cardiff þegar flugvél sem átti að flytja hann yfir Ermarsundið brotlenti.

Fram kemur í frétt AFP að karlmaðurinn, sem er 64 ára gamall, hafi verið handtekinn í Norður-Yorks­hire í dag. Maðurinn er grunaður um manndráp en fjölskylda Sala og flugmannsins sem fórst einnig í slysinu hafa verið látnar vita af handtökunni.

Fram kemur í yfirlýsingu lögreglu vegna málsins að manninum hafi verið sleppt úr haldi en rannsókn haldi áfram.

Lögregla hvetur fólk til að velta því ekki of mikið fyrir sér hver maðurinn er því það gæti truflað rannsókn málsins. 

Tengdar fréttir

Emiliano Sala fórst í flugslysi

Sala varð fyrir gaseitrun í flugvélinni

• Mynd af líki Sala í dreifingu
• Flugmaðurinn óhæfur í flugslysi Sala
• Flugið hlykkjótt undir það síðasta
• Líkið er af Sala

» Fleiri tengdar fréttir

• Blogga um frétt