Hið minnsta fimm eru slasaðir eftir hnífstunguárás á heimili rabbína í New York-ríki í Bandaríkjunum. Þeir slösuðu voru gestir í veislu í tilefni ljósahátíðar gyðinga, Hanukkah, á heimi rabbínans þegar árásarmaðurinn réðst til atlögu.
Árásarmaðurinn flúði með bifreið af vettvangi í kjölfar árásarinnar en var handtekinn skömmu síðar.
Ástæða árásarinnar liggur ekki ljós fyrir á þessari stundu, en samkvæmt almannadeild rétttrúnaðargyðinga í Bandaríkjunum var eitt fórnarlambanna stungið minnst sex sinnum.
Hryðjuverkadeild lögreglunnar í New York er sögð fylgjast grannt með gangi mála.