Notkun andlitsgríma dregur úr útbreiðslu kórónuveirunnar segja vísindamenn við háskólann í Hong Kong sem undanfarið hafa rannsakað hversu miklu máli það getur skipt að nota grímu til að koma í veg fyrir smit. Rannsóknin var gerð með því að smita hamstra af kórónuveirunni.

Rannsóknin er sögð ein sú fyrsta sem kannar virkni notkunar andlitsgríma gegn SARS-CoV-2 kórónuveirunni sem veldur COVID-19-sjúkdómnum. Prófessor Yuen Kwok-yung, sem er talinn einn fremsti sérfræðingur um veiruna á heimsvísu, fór fyrir teymi vísindamanna sem sýkti hamstra af kórónuveirunni.

Sýktu hamstrarnir voru settir í búr með heilbrigðum hömstrum en hóparnir voru aðskildir með efni sem notað er til að framleiða skurðlækningagrímur. Loftflæðinu í búrinu var stýrt frá sýktu hömstrunum að þeim heilbrigðu.

Niðurstaða rannsóknarinnar var sú að hægt sé að minnka smit um allt að 60% með notkun gríma. Tveir af hverjum þremur heilbrigðum hömstrum sýktust ef hóparnir voru ekki aðskildir með grímu.

„Það dregur augljóslega úr smitum að setja grímur á þá sem eru sýktir af veirunni. Rannsóknin sýnir einnig hvers vegna það er mikilvægt að allir noti grímur því stór hluti sýktra er einkennalaus,“ sagði Yuen Kwok

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt