Gámnum sem geymdi fíkniefnin í stóra fíkniefnamálinu, sem nú er til rannsóknar hjá lögreglunni á höfuðborgarsvæðinu, var skipað í land í Straumsvík samkvæmt heimildum Morgunblaðsins.

Um Straumsvíkurhöfn fer einkum varningur sem ætlaður er álverinu en einnig koma þangað almennar vörusendingar.

Gámurinn kom með skipinu Fransesca og fundust fíkniefnin við leit í gámnum 10. október sl. Samkvæmt heimildum blaðsins var varningurinn í gámnum ætlaður heildsölufyrirtæki í matvælaiðnaði og fundust fíkniefnin falin í honum. Sama dag var starfsmaður fyrirtækisins, karlmaður á sextugsaldri, handtekinn og í kjölfarið úrskurðaður í gæsluvarðhald sem hann situr enn í.

Yngri maðurinn, karlmaður á fimmtugsaldri, var handtekinn við komuna frá Spáni aðfaranótt sunnudags. Samkvæmt heimildum Morgunblaðsins hefur yngri maðurinn komið við sögu við rannsókn fíkniefnamála.

Þá mun hann einnig hafa fengið dæmdar bætur fyrir meiðyrði árið 2007 eftir að hann var nafngreindur í DV í tengslum við fíkniefnamál.

Tengdar fréttir

Straumsvíkurmálið

Framtíðarhorfur áliðnaðar skipti miklu máli

• Aðeins sakfelldir fyrir sterana
• Dómur fallinn í Straumsvíkurmálinu
• Mikið undir í Straumsvíkurmáli
• Þungra dóma krafist

» Fleiri tengdar fréttir

Straumsvíkurmálið fyrir dómi

Dómur fallinn í Straumsvíkurmálinu

• Straumsvíkurmáli framhaldið
• Nafnlaus ábending upphafið
• Var ekki fyrsta sendingin
• Tímafrek aðalmeðferð í Straumsvíkurmáli

» Fleiri tengdar fréttir