Ákvörðun um það hvort farið verði fram á framlengingu gæsluvarðhalds yfir Kristjáni Gunnari Valdimarssyni, sem sakaður er um að hafa svipt þrjár konur frelsi og beitt þær kynferðislegu ofbeldi, verður tekin á morgun og greint verður frá þeirri ákvörðun áður en gæsluvarðhaldið rennur út.

Þetta segir Karl Steinar Valsson, yfirlögregluþjónn hjá lögreglunni á höfuðborgarsvæðinu, í samtali við mbl.is.

Kristján Gunnar var látinn laus úr einangrun í gærkvöldi og var sú ákvörðun gagnrýnd af réttargæslumönnum. Hann situr áfram í gæsluvarðhaldi sem á að óbreyttu að renna út á morgun.

Frétt af mbl.is

Kristján Gunnar laus úr einangrun

Karl Steinar vill ekki gefa út klukkan hvað gæsluvarðhaldið rennur út og vill ekki tjá sig frekar um rannsóknina að öðru leyti en hún sé í eðlilegum farvegi.

„Rannsókn er í eðlilegum farvegi og við tjáum okkur ekkert meira um það. Það hentar ekki að stunda rannsókn í beinni útsendingu,“ segir hann og bætir því við að lögregla muni láta vita þegar ákvörðun liggi fyrir um hvort farið verði fram á lengra gæsluvarðhald.

Tengdar fréttir

Grunur um frelsissviptingu í Vesturbæ

Mál Kristjáns látið niður falla

• Mál gegn Kristjáni Gunnari fellt niður
• Mál Kristjáns Gunnars til héraðssaksóknara
• Rannsókn á máli Kristjáns Gunnars lokið
• Rannsókn á máli Kristjáns Gunnars í farvegi

» Fleiri tengdar fréttir

• Blogga um frétt