Allt tiltækt lið slökkviliðs höfuðborgarsvæðisins berst nú við eld í einbýlishúsi í Kaldaseli í Breiðholtinu. Óttast er að um altjón sé að ræða. Einn var í húsinu og náði hann að komast út úr brennandi húsinu.

Að sögn varðstjóra í slökkviliðinu var tilkynnt um eldsvoðann um 6:40 og er slökkvilið enn að störfum.

Ekki er talið að fleiri hafi verið inni í húsinu þegar kviknaði í.

Allt tiltækt lið slökkviliðs höfuðborgarsvæðisins var kallað út á sjöunda tímanum vegna elds í einbýlishúsi við Kaldasel. mbl.is/Árni Sæberg

Vegna eldsvoðans eru íbúar í nágrenni Kaldasels hvattir til að loka gluggum og hækka á ofnum vegna reyks sem leggur frá húsinu. Ekki er hægt að gefa frekari upplýsingar að svo stöddu að sögn lögreglunnar.

Vegna slökkvistarfs er búið að loka Jafnaseli svo leið strætisvagnar á leið 3 og 4 geta ekki ekið Jaðarselið. Þeir aka Seljabraut, Seljaskóga og Hjallasel til að komast inn á leið að því er segir á vef Strætó.

Uppfært klukkan 8:15

Slökkvistarf er enn í gangi og ekki ljóst hvenær því lýkur að sögn varðstjóra í slökkviliði höfuðborgarsvæðisins. 

Vegna slökkvistarfs er búið að loka Jafnaseli svo leið stætisvagnar á leið 3 og 4 geta ekki ekið Jaðarselið. mbl.is/Árni Sæberg

Tengdar fréttir

Eldur í Kaldaseli

„Litlu munaði að ég yrði sjálfur bráð eldsins“

• Telur að altjón hafi orðið í Kaldaseli
• 120 sjúkraflutningar á sólarhring
• Búið að slökkva eldinn í annað sinn
• Eldur logar í húsinu að nýju

» Fleiri tengdar fréttir

• Blogga um frétt