„Tækni- og rannsóknardeild var að vinna í dag á vettvangi og rannsókn er lokið þar. Við tekur að vinna úr gögnum sem aflað var í dag,“ segir Gunnar Hilmarsson, aðalvarðstjóri á lögreglustöðinni á Dalvegi, um eldsvoða í Kaldaseli. Húsið hafði nýlega komist í hendur nýrra eigenda.

Frétt af mbl.is

Þakið rifið af húsinu í Kaldaseli

Allt tiltækt lið slökkviliðs höfuðborgarsvæðisins var kallað út á sjöunda tímanum í morgun til að bregðast við eldi í einbýlishúsi í Kaldaseli í Breiðholti. Óttast var um að altjón væri að ræða.

Einn maður á vettvangi 

Gunnar segir einn mann hafa verið á vettvangi en ekki vitað hversu margir hafi búið í húsinu. Enginn er skráður til heimilis í húsinu í símaskrá en húsið var keypt nýlega. 

Maðurinn hafði komið sér út úr húsi þegar slökkvilið bar að garði. 

Tryggingarfélag húseigenda hefur lokað brunarústunum og húsið er talsvert skemmt. Gunnar vill ekki segja til um hvort það sé gjörónýtt. 

Frétt af mbl.is

Einbýlishús í ljósum logum

Mikinn reyk lagði yfir hverfið að sögn Gunnars en eldurinn var bundinn við þetta eina hús og ekki hætta á að hann myndi breiðast út.

Tengdar fréttir

Eldur í Kaldaseli

„Litlu munaði að ég yrði sjálfur bráð eldsins“

• Telur að altjón hafi orðið í Kaldaseli
• 120 sjúkraflutningar á sólarhring
• Búið að slökkva eldinn í annað sinn
• Eldur logar í húsinu að nýju

» Fleiri tengdar fréttir

• Blogga um frétt