Eigendur 711 fasteigna hafa sótt um að Þórkatla kaupi íbúðir þeirra eða íbúðarhús í Grindavík. Stjórn Þórkötlu hóf afgreiðslu umsókna í lok síðustu viku og hefur nú þegar samþykkt kaup á 126 eignum fyrir alls um 9,2 milljarða króna.

Frágangur og afgreiðsla einstakra viðskipta mun taka mislangan tíma en stefnt er að því að samþykkja um 150 umsóknir til viðbótar í næstu viku, að því er segir í tilkynningu frá Þórkötlu.

Frétt af mbl.is

„Það er skiljanlegt að þolinmæði þeirra sé lítil“

Þá segir, að vonast sé til að kaupin muni ganga hraðar fyrir sig eftir því sem reynsla kemst á ferlið. Þegar hafi verið gengið frá kaupsamningum við 11 umsækjendur en 115 umsækjendur fái í dag tilkynningu um að umsókn þeirra hafi verið samþykkt í stjórn Þórkötlu.

„Frágangur er að hefjast vegna kaupsamninga við þennan hóp og ætti greiðsla sem nemur 95% af kaupverði að berast seljendum innan fimm virkra daga frá undirritun og þinglýsingu kaupsamnings. Nokkrir umsækjendur hafa þegar fengið kaupsamningsgreiðsluna millifærða á reikninga sína,“ segir í tilkynningunni. 

Tengdar fréttir

Húsnæðismarkaðurinn

Nýjar íbúðir á Völlunum rjúka út

• Gerir ráð fyrir 150 samningum í næstu viku
• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“

» Fleiri tengdar fréttir

Eldvirkni á Reykjanesskaga

Hætta metin mikil í Grindavík

• Vísbendingar um að fljótlega gæti dregið til tíðinda
• Hafa þurft að stugga við fólki
• Rímar „engan veginn“ við Veðurstofuna
• Landrisið gæti hafa stöðvast og gosið virðist eflast

» Fleiri tengdar fréttir

• Blogga um frétt