„Ég gleðst nú kannski fyrst og fremst yfir því að fólk telji okkur eiga heima í efri hluta deildarinnar í vetur. Það er svosem líka stefnan hjá okkur í vetur að taka næsta skref frá því sem við gerðum í fyrra,“ sagði Kári Garðarsson þjálfari Gróttu sem er spáð deildarmeistaratitlinum í Olís-deild kvenna í handbolta í vor, af þjálfurum, fyrirliðum og forráðamönnum liðanna í deildinni.