„Það er ágætt að fagna útskriftinni svona,“sagði Heiðar Aðalbjörnsson sem mbl.is hitti á samkomustað Íslendinga í norðurhluta Parísar í dag. Hann var þar í góðum gír ásamt bróður sínum og vini. Í ljós kom að Heiðar útskrifaðist sem stúdent frá Menntaskólanum á Akureyri 17. júní, dreif sig að norðan um miðnætti og linnti ekki látum fyrr en komið var til Marseille kvöldið eftir.