Marglytturnar, sex íslenskar sundkonur, luku við 34 kílómetra boðsund yfir Ermarsundið nú á tíunda tímanum. Hópurinn lagði af stað klukkan sex í morgun frá höfninni í Dover á Englandi og var Sigurlaug María Jónsdóttir fyrsta marglyttan sem stakk sér til sunds. Halldóra Gyða Matthíasdóttir Proppé lauk sundinu og er hópurinn kominn til hafnar í Cap Gris Nez í Frakklandi.