Mikil veiði er nú í Laxá í Dölum og hvert hollið á fætur öðru fær feiknarveiði.
Að sögn Haraldar Eiríkssonar hjá Hreggnasa sem staddur er við ána í leiðsögn þá hætti þriggja daga holl á hádeg í dagi með 153 laxa á land. Aðeins er veitt á fjórar stangir í ánni fram að mánaðamótum, en fjölgar þá í sex. Þetta þýðir meðalveiði upp á tæpa 13 laxa á dag á hverja stöng í síðasta holli.
Vatnsstaða hefur verið með eindæmum góð í allt sumar og laxinn ekki átt í neinum vandræðum með að ganga upp ána eins oft loðir þar við í þurrkasumrum. Fiskurinn hefur þar að leiðandi dreift sér vel upp um alla á og öll svæði inni.
Heildarveiðin stendur nú í tæpum 500 löxum, en sama tíma fyrir ári voru þeir 209.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |