Veiði | mbl | 1.6.2019 | 11:09

Setti í fyrsta lax tímabilsins

Stefán Sigurðsson með fyrsta lax tímabilsins í Þjórsá. mbl.is/Eggert Skúlason

Laxveiðitímabilið hófst formlega í dag þegar Urriðafoss-svæðið í Þjórsá var opnað. Það var Stefán Sigurðsson og Harpa Hlín Þórðardóttir sem byrjuðu að veiða. Þau ákváðu að veiða á flugu til að byrja með. Harpa missti fyrstu tvo laxanna. „Ég var svo nálægt í að landa fyrsta laxinum, en ég misstan,“ segir hún.

Eiginmaður hennar, Stefán, setti svo í fyrsta laxinn á maðk og landaði fallegum tveggja ára lax á veiðistað sem heitir Hulda, og er einn af gjöfulustu veiðistöðum við Urriðafoss. Þar er mikið af fiski og aðstæður góðar því Þjórsá er vatnslítil og búast má við að allir veiðimenn taki góðan afla í dag.

Seinustu hundraðkallar sumarsins

Lengd á laxi	Veiðisvæði	Veiðimaður	Dagsetning Dags.
102 cm	Hvítá við Iðu	Ársæll Þór Bjarnason	19. september 19.9.
101 cm	Víðidalsá	Stefán Elí Stefánsson	4. september 4.9.
101 cm	Laxá í Dölum	Hafþór Jónsson	27. ágúst 27.8.
102 cm	Haukadalsá	Ármann Andri Einarsson	23. ágúst 23.8.
103 cm	Laxá í Aðaldal	Birgir Ellert Birgisson	12. ágúst 12.8.
103 cm	Miðsvæði Laxá í Aðaldal	Máni Freyr Helgason	11. ágúst 11.8.
101 cm	Laxá í Aðaldal	Agnar Jón Ágústsson	10. ágúst 10.8.