Eftir mjög rólegt sumar þá hefur Vatnsá, sem fellur úr Heiðarvatni loksins tekið við sér. Frá þriðja september hafa fjörutíu laxar veiðst og telst það gott á mælikvarða Vatnsár og jafnvel fleiri laxveiðiáa.
„Þetta bara gerðist um mánaðamótin. Holl sem hafði verið að veiðum í tvo daga og átt rólega byrjun, en allt i einu varð þetta bara önnur á. Það var lax og birtingur um allt og menn voru í hörku lífi,“ sagði Ásgeir Arnar Ásmundsson, sem annast sölu á leyfum í Vatnsá og Heiðardal.
Hann telur að þegar upp verði staðið muni þetta verða ár verða undir meðaltali í Vatnsá, í ljósi þess að lax og birtingur kom óvenju seint á svæðið. Hann er hins vegar að vonast til þess að Vatnsá fari í hundrað laxa.
Veiðin í Heiðarvatni fór mjög vel af stað í vor en leið svo aftur fyrir að þegar leið á sumar að sjóbirtingur var mjög seinn á ferðinni. Nú er hins vegar allt komið á eðlilegt ról og erlendir veiðimenn sem voru í vatninu gerðu þar flotta veiði. Lönduðu níu birtingum á bilinu 55 til 77 sentímetrar. Þá fengu þeir fjöldann allan af smærri urriðum og voru hinir kátustu eftir daginn.
Lengd á laxi | Veiðisvæði | Veiðimaður | Dagsetning Dags. |
---|---|---|---|
101 cm | Vatnsdalsá | Erlendur veiðimaður | 29. september 29.9. |
101 cm | Eystri-Rangá | Grzegorz Loszewski | 27. september 27.9. |
105 cm | Hvítá við Iðu | Katrín Tanja Davíðsdóttir | 24. september 24.9. |
101 cm | Víðidalsá | Jón Eðvald Halldórsson | 22. september 22.9. |
107 cm | Grímsá | Jón Jónsson | 22. september 22.9. |
101 cm | Miðfjarðará | Agnar Sigurjónsson | 22. september 22.9. |
101 cm | Hvítá við Iðu | Gunnar Pétursson | 20. september 20.9. |