Ef við gætum ferðast á milli landa, heimsótt veitingastaði og kaffihús að atvinnu – þá væri allt svolítið meira frábært. Við rákumst á þetta bleika kaffihús og bakarí og gátum ekki á okkur setið. Það heitir Breadway Bakery og er staðsett í Úkraínu – dálítið langt að fara en ekki ógerlegt.

Innréttingarnar eru í ljósum bleikum lit í bland við grátt og gyllt, og sætisbökin minna einna helst á Lady Fingers (kexið). Á staðnum er boðið upp á brauð, ýmsa smárétti og kökur og það smakkast eflaust allt aðeins betur í þessu glaðlega rými.