Þessi réttur er eins „rustik“ og hugsast getur - og bragðgóður eftir því. Að auki er hann auðveldur í framkvæmd, húsið fyllist af girnilegri matarlykt og lífið verður bara nokkuð frábært í leiðinni.
Það er Svava Gunnars á Ljúfmeti og lekkerheit sem á heiðurinn að uppskriftinni en matabloggið hennar er hægt að nálgast HÉR.
Heilsteiktur kjúklingur með fetaostasósu
- 1 kjúklingur
- 6 stórar kartöflur
- 2 stórar gulrætur
- 1 sæt kartafla
- 4 skarlottulaukar
- ½ dl ólífuolía
- 2 pressuð hvítlauksrif
- maldonsalt
- pipar
- timjan
- 1 msk. balsamik-edik
- 1 msk. sojasósa
- 1 msk. ólífuolía
- 2 pressuð hvítlauksrif
Aðferð:
- Skerið kartöflur og gulrætur í fernt á lengdina og sæta kartöflu í bita.
- Afhýðið skarlottulauka og skerið í tvennt.
- Setjið grænmetið í eldfast mót og hellið ólífuolíu, pressuðum hvítlauki, salti og pipar yfir.
- Blandið öllu vel saman og ýtið grænmetinu til hliðar í mótinu.
- Skolið og þerrið kjúklinginn.
Kljúfið kjúklinginn á milli bringanna og leggið hann flatann í miðju eldfasta mótsins
- Hrærið balsamikediki, sojasósu, ólífuolíu og pressuðum hvítlauksrifjum saman og penslið blöndunni yfir kjúklinginn
- Stráið salti og pipar yfir allt
- Setjið í 200° heitan ofn í 60 mínútur
Köld sósa:
- 1 dós sýrður rjómi
- 150 g mulinn fetaostur
- 1 hvítlauksrif
- sítróna
- salt
- pipar
- timjan sett yfir
Hrærið sýrðum rjóma, fetaosti og pressuðu hvítlauksrifi saman. Smakkið til með sítrónusafa, salti og pipar. Stráið fersku timjan yfir áður en sósan er borin fram.
mbl.is/Svava Gunnarsdóttir
mbl.is/Svava Gunnarsdóttir