Þegar við hugsum um skandinavíska hönnun er allt frekar látlaust með hreinum línum. Hér er IKEA-risinn þó að koma verulega á óvart með djörfu litavali og munstrum.

Það er eflaust þörf á ögrandi litum í öðrum mánuði ársins – til að bæta upp skammdegisþunglyndið sem hefur herjað á landann síðustu mánuði. Og þá er IKEA alveg með puttann á púlsinum hvað það varðar. Við erum að sjá eldhússtóla, bakka og glös í litasamsetningum og munstrum sem okkur óraði ekki fyrir.