Við flokkum pappa og flöskur eins og enginn sé morgundagurinn - enda engin ástæða til annars. Við rákumst á þessar einstaklega smart flokkunarpoka sem henta fullkomlega í verkið og gaman er að hafa uppi við. 

Pokarnir sem um ræðir eru ekki bara fallegir ásjónu, heldur eru þeir líka gerðir úr endurunnum pappír - en framleiðandinn Uashmama hefur getið sér gott orð fyrir sjálfbærni í framleiðslu á vörum, þá ekki eingöngu á umræddum pokum heldur líka á öðrum vörum. Það besta við pokana er þó að það má þvo þá og á þeim eru handföng sem auðvelda allan burð með þungan pappa eða flöskur. Pokarnir fást í ýmsum litum og stærðum og einnig í annars konar útgáfu sem þvottakarfa eða undir annan nauðsynlegan óþarfa. Pokana má skoða nánar hjá Kokku og Vogue fyrir heimilið.

mbl.is/Uashmama

mbl.is/Uashmama

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt