Konur sem skipa sæti á listum Viðreisnar og stórvinkonur þeirra hittust á Petersensvítunni í Gamla bíó síðastliðinn föstudag. Þær höfðu ástæðu til að fagna í aðdraganda kosninga að sögn Diljár Ámundadóttur.  „Viðreisn hefur stigið stór skref á vettvangi jafnréttismála og sigrarnir ófáir. Framboð Viðreisnar í sveitarstjórnum hafa öll sett jafnréttismál á oddinn,“ segir hún. 

Þórdís Lóa, oddviti Viðreisnar í Reykjavík, hélt tölu sem viðstaddir vilja meina að hafi frekar verið eins og uppistand en formleg ræða frambjóðanda. „Það var virkilega góð stemning sem skapaðist og hópurinn er sannarlega til í síðustu vikuna fyrir kosningar. Ég er í 3. sætinu hjá Viðreisn og skv. skoðunarkönnunum eru ca. 2% í að ég nái inn í borgarstjórn. Það er auðvitað afskaplega spennandi staða fyrir mig persónulega og ég vona innilega það besta,“ segir Diljá að lokum.