Fullt var út úr dyrum á veitingastaðnum Shake Pizza í Egilshöll á sunnudag þegar þau Þorvaldur Davíð Kristjánsson og Bergrún Íris Sævarsdóttir fögnuðu útgáfu nýrrar barnabókar, Sokkalabbarnir. Bókin er ætluð yngri lesendum.

„Við Bergrún erum í skýjunum með upphafið á Sokkalabbaævintýrinu okkar og erum nú þegar byrjuð á næstu bók um þessar skemmtilegu tilfinningaverur sem Sokkalabbarnir eru,“ segir Þorvaldur Davíð. 

„Útgáfuboðið heppnaðist eins og best verður á kosið enda var það unnið í góðri samvinnu við vini okkar hjá Keiluhöllinni og Shake & Pizza sem lögðu til veitingar og salinn. Húsið var stappfullt af fólki og höfum við nú þegar fengið frábær viðbrögð frá yngstu lesendunum og foreldrum.“