Það ætti ekki að hafa farið fram hjá neinum en Reykjavíkurmaraþon Íslandsbanka verður haldið á morgun. Um 15 þúsund manns hafa skráð sig í hlaupið. Þó að einhverjir hlaupi aðeins fyrir sjálfa sig þá eru margir sem safna áheitum fyrir góð málefni. Það eru nokkur þekkt nöfn sem taka þátt í hlaupinu á morgun.
Þar á meðal eru leikarinn Ólafur Darri Ólafsson, sem hleypur fyrir AHC-samtökin, og leikkonan Ilmur Kristjánsdóttir sem hleypur fyrir Píeta samtökin. Ólafur Darri er á meðal þeirra hlaupara sem hafa safnað mestu fyrir hlaupið en hann hefur safnað 685 þúsund krónum þegar þetta er skrifað. Forseti Íslands, Guðni Th. Jóhannesson, ætlar einnig að hlaupa 21 kílómetra, en hann hljóp sömu vegalengd í Jökulsárhlaupinu síðustu helgi.
Þá ætlar allt starfsfólk Boss búðarinnar að hlaupa heilt maraþon, eða 42 kílómetra, í Boss-jakkafötum og -kjólum. Þau eru átta í hópnum og hafa safnað rúmum 877 þúsund krónum til styrktar Umhyggju, félagi langveikra barna.
Eiður Smári Guðjohnsen hleypur fyrir Ljónshjarta og hefur safnað 2 þúsund krónum.
Ágúst Bent hleypur fyrir Samhjálp og hefur safnað 41 þúsund krónum.
Hildur Eir Bolladóttir hleypur fyrir Minningarsjóð Einars Darra og hefur safnað 239 þúsund krónum.
Ari Eldjárn hleypur fyrir Minningarsjóð Kristjáns Eldjárns og hefur safnað 41 þúsund krónum.
Ríkharð Óskar Guðnason, Rikki G, hleypur fyrir Ljónshjarta og hefur safnað 577 þúsund krónum.
Jón Gunnar Geirdal hleypur fyrir Rjóðrið, hvíldarheimili fyrir langveik börn, og hefur safnað 441 þúsund krónum.
Sturla Atlas, Pétur Kiernan og Aronmola hlaupa fyrir Einstök börn og hafa safnað 746 þúsund krónum.
Kjartan Atli Kjartansson hleypur fyrir MND-félagið á Íslandi og hefur safnað 173 þúsund krónum.
Brynja Dan Guðmundsdóttir hleypur fyrir Ljónshjarta og hefur safnað 130 þúsund krónum.
Birgitta Líf Björnsdóttir hleypur fyrir Einstök börn og hefur safnað 116 þúsund krónum.
Heiðar Austmann hleypur fyrir Ljónshjarta og hefur safnað 105 þúsund krónum.