Heitustu haustskegg landsins
Setja bókamerki
Myndarlegt skegg er til mikillar prýði og gefur herranum mikinn karakter. Frá elstu tímum hefur verið talað um skegg sem tákn um karlmennsku, krafta og áreiðanleika enda aðalsmerki karlkynsins.
Smartland tók saman heitustu haustskegg landsins.
Helgi Björnsson - leikari og tónlistarmaður
Helgi Björns hefur sungið sig inn í hjörtu landsmanna undanfarna áratugi. Hann hélt uppi stuðinu á laugardagskvöldum fyrir örfáum árum og fékk marga til að gleyma kórónuveirunni. Listamaðurinn státar sig af glæsilegu skeggi sem rammar inn bjart og heillandi bros hans.
Júníus Meyvant - tónlistarmaður
Unnar Gísli Sigurmundsson, betur þekktur undir sviðslistanafninu Júníus Meyvant, hefur átt mikilli velgengni að fagna á undanförnum árum. Söngvarinn hefur gefið út tvær breiðskífur, Floating Harmonies og Across The Borders. Júníus er með fagurt og afar einkennandi skegg.
Mugison - tónlistarmaður
Örn Elías Guðmundsson, betur þekktur sem Mugison, er einn af ástsælustu tónlistarmönnum þjóðarinnar enda með ómótstæðilegan hljóm. Mugison er með þykkt og glæsilegt skegg.
Kári Stefánsson - forstjóri Íslenskrar erfðagreiningar
Kári Stefánsson er maður sem allir landsmenn þekkja, en tæplega 200.000 Íslendingar hafa tekið þátt í rannsóknum Íslenskrar erfðagreiningar með því að gefa lífsýni í þágu læknavísinda. Kári hirðir vel um skeggið sitt enda ákveðið einkennismerki taugalæknisins.
Villi Neto - leikari og uppistandari
Vilhelm Neto er einn vinsælasti leikari og uppistandari á Íslandi í dag. Hann fer með hlutverk í nýrri sýningu Borgarleikhússins, Deleríum Búbónis, og mun glæsilegt yfirvaraskegg leikarans án efa vekja eftirtekt áhorfenda.
Krummi Björgvins - tónlistarmaður
Krummi gerði garðinn frægan með íslensku pönkhljómsveitinni Mínus en hún sigraði Músíktilraunir árið 1999. Krummi hefur verið stór hluti af íslensku tónlistarsenunni alla tíð síðan enda með rokkið í hjartanu. Rokkarinn er með þrusuflott skegg.
Dagur B. Eggertsson - borgarstjóri
Dagur B. hefur gegnt embætti borgarstjóra frá árinu 2014. Hann er smekksmaður og heldur skegginu til haga.
Benjamin Hardman - ljósmyndari
Benjamin er heimsþekktur ljósmyndari, búsettur á Íslandi. Hann er mjög vinsæll á Instagram með yfir 700.000 fylgjendur. Hardman er með þykkt og flott skegg sem frýs reglulega en ljósmyndarinn vinnur mikið á heimskautasvæðinu.
Ahd Tamimi - leikari
Ahd Tamimi deilir tíma sínum á milli Íslands og Lundúna þar sem hann starfar sem leikari. Tamimi er trúlofaður danshöfundinum Lee Proud. Leikarinn státar sig af glæsilegu skeggi.
Kristján Sindri Níelsson - kraftlyftingamaður
Kraftlyftingarmaðurinn Kristján Sindri er sannkallaður víkingur og algjör þrekskokkur. Hann er reffilegur með skeggið sitt og sigrar hverja kraftlyftingakeppnina á fætur á annarri.
Markús Ingi Guðnason - bakari hjá DEIG
Markús Ingi er einn þeirra sem bakar bragðgóðu kleinuhringina og beyglurnar sem seljast upp daglega hjá DEIG. Ætli velgengnin liggi í skegginu?
Björgvin Páll Gústavsson - handboltastjarna
Björgvin Páll hefur lengi verið þekktur sem einn af bestu markvörðum í heimi. Hann hefur varið óteljandi mörk fyrir íslenska landsliðið í handknattleik og félagslið víðs vegar um heiminn. Björgvin Páll þarf þó ekki að verja ákvörðun sína þegar kemur að þessu föngulega skeggi.
Ólafur Örn Steinunnar Ólafsson - veitingamaður
Ólafur Örn, veitingamaður á Brút og Vínstúkan tíu sopar, er mikill fagurkeri og kann vel að meta litlu hlutina í lífinu, eins og góðan kaffibolla. Ólafur Örn er ein skærasta stjarna íslensku matarsenunnar og með flottasta skeggið í bransanum.
Baltasar Kormákur - leikstjóri
Baltasar Kormákur er ofarlega á lista yfir flottustu skegg landsins en hann hefur náð langt á alþjóðlegum vettvangi sem leikstjóri og framleiðandi. Grásprengt skeggið gefur honum svip virðuleika.
Goddur - listamaður og prófessor
Guðmundur Oddur Magnússon, betur þekktur sem Goddur, er magnaður listamaður og prófessor í grafískri hönnun við Listaháskóla Íslands. Goddur hefur tekið þátt í og staðið fyrir fjölda sýninga bæði hér á landi og erlendis. Það þekkja hann allir á skegginu.
Jón Baldur Bogason - skeggáhugamaður
Jón Baldur Bogason er mikill áhugamaður um skegg. Hann hefur skartað skeggi sínu árum saman og tekið þátt í keppnismótum í skeggvexti um allan heim. Jón Baldur hugsar vel um skeggið enda er það sigurvegari.
Gunnar Nelson - bardagaíþróttamaður
MMA-bardagaíþróttamaðurinn Gunnar Nelson er alltaf klár í slaginn. Hann er þekktur fyrir að leggja andstæðinga sína að velli enda margfaldur meistari. Hann er duglegur að æfa og brosir í gegnum skeggið.
Valdimar Guðmundsson - söngvari
Valdimar Guðmundsson er söngvari og forsprakki hljómsveitarinnar Valdimar. Söngvarinn er þekktur fyrir silkimjúka rödd sína, en hann er alfarið sjálflærður söngvari. Valdimar er með fallegt rauðbrúnt skegg.
Ólafur Darri Ólafsson - leikari
Ólafur Darri er einn farsælasti leikari okkar Íslendinga. Hann hefur verið í ófáum hlutverkum á undanförnum árum og lék meðal annars í þáttaröðinni Severance og kvikmyndunum The Secret Life of Walter Mitty og Zoolander 2 ásamt Ben Stiller. Ólafur Darri er þekktur fyrir skeggvöxt sinn.
Mun ekki framselja vald sitt til Felix
Sala dísil- og bensínbíla eykst
Ríkisfjármálin ósjálfbær þó staðan sé góð
Frelsi sem fylgdi því að loka Önnu Jónu
Skila vonandi tillögum til dómsmálaráðherra í dag
Loftslagsdómurinn út í loftið
Sólarsellur verði á 10 til 20% íslenskra þaka
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál