Spánverjar hafa ákveðið að ljúka skuli keppnistímabilinu 2019-2020 í efstu deild karla í knattspyrnu í sumar og ætla að vera snöggir að því.
Mótið mun hefjast á ný hinn 11. júní og er áætlað að ljúka því 19. júlí þótt enn séu ellefu umferðir eftir.
Gert er ráð fyrir því að fyrsta umferðin á næsta keppnistímabili hefjst 12. september og spænsku liðin geta því tekið sumarfrí áður en undirbúningstímabilið hefst.
Kórónuveiran hefur haft mikil áhrif á mannlífið á Spáni og tekið sinn toll og íþróttafólk er ekki farið að æfa án takmarkana.