Neymar skuldar Barcelona milljarð

Brasilíski knattspyrnumaðurinn Neymar þarf að greiða fyrrverandi félagi sínu Barcelona upphæð sem samsvarar um einum milljarði íslenskra króna.

Umræður hafa verið í gangi um að Neymar snúi aftur til Barcelona frá París SG, en þangað var hann seldur fyrir metfé. Á sama tíma var hann í málaferlum við félagið og taldi að Barcelona skuldaði sér alls tæplega sjö milljarða íslenskra króna í bónusgreiðslur.

Dómstóll í Barcelona hefur nú kveðið upp þann úrskurð að félagið skuldi Brasilíumanninum ekki krónu og hann þurfi nú að greiða allan málskostnað, sem nemur um einum milljarði íslenskra króna.

Neymar getur áfrýjað dómnum en Barcelona segir á heimasíðu sinni að fari svo muni félagið fylgja málinu eftir alla leið.

• Blogga um frétt