Guðbjörg Jóna Bjarnadóttir komst örugglega í úrslitahlaupið í 200 metra hlaupi á Evrópumóti U20 í frjálsíþróttum í Borås í Svíþjóð.
Guðbjörg kom þriðja í mark á tímanum 23,63 sekúndum en Íslandsmet hennar er 23,45. Alls tóku 16 hlauparar þátt í undanúrslitum en Amy Hunt frá Bretlandi kom fyrst í mark á tímanum 23,14. Gemima Joseph frá Frakklandi var önnur á tímanum 23,55.
Íslandsmet Guðbjargar, 23,45 sekúndur, er fjórði besti tími allra á mótinu og á hún því fína möguleika á verðlaunum. Úrslitahlaupið fer fram kl. 16:25 í dag og verður hún ein af átta hlaupurum sem taka þar þátt.