Ísland leikur á ný á EM kvenna í handbolta í lok þessa árs, fjórtán árum eftir að íslenska liðið lék þar í fyrsta skipti.
Þetta eru ánægjuleg tíðindi og liðið fylgir þar með eftir frammistöðu sinni á HM í lok síðasta árs.
Arnar Pétursson hefur byggt liðið upp af miklum metnaði síðustu ár og sagði við RÚV þegar EM-sætið var í höfn að í framtíðinni ætti að vera jafn sjálfsagt að kvennalið Íslands væri á öllum stórmótum og okkur þykir sjálfsagt að karlaliðið sé þar.
Nú þarf HSÍ að sýna í verki að metnaður sambandsins sé sá sami og metnaður þjálfarans. Og ekki bara HSÍ, heldur líka félögin í landinu sem ala upp leikmennina og skapa þeim umhverfi til að þroskast og dafna. Handboltaþjóðin Ísland á að geta verið með tvö landslið í fremstu röð.
Bakvörðurinn í heild sinni er í Morgunblaðinu í dag