Hlutabréf Sýnar lækka um 7%

Hlutabréf í Sýn, móðurfélagi Vodafone, Stöðvar 2, Vísis og fleiri miðla, hafa lækkað um 7% í rúmlega 40 milljóna króna viðskiptum í Kauphöllinni í dag. Í gær birti félagið uppgjör síðasta árs og hætti forstjóri félagsins samhliða því.

Samkvæmt uppgjörinu lækkaði hagnaður félagsins og var 473 milljónir í fyrra. Nam lækkunin 56% milli ára. Heildartekjur félagsins jukust að sama skapi um 54% og námu 21,9 milljörðum, en árið í fyrra var fyrsta ár sameinaðs fyrirtækis á heilu rekstrarári eftir að Sýn keypti tilteknar eignir og rekstur 365 miðla í desember 2017.

Frétt af mbl.is

Meiri tekjur en minni hagnaður

Heiðar Guðjónsson stjórnarformaður Sýnar tók við hlutverki forstjóra fram að ráðningu nýs forstjóra til félagsins, en Heiðar er stór hluthafi í Sýn.

Frétt af mbl.is

Forstjóri Sýnar hættir

• Blogga um frétt