Það er gott að þekkja sín eigin takmörk og þá ekki síður að virða þau þegar á það reynir. Ef þú fæst ekki við það sem þú hefur áhuga á getur lífið svo sannarlega verið letjandi.
Þú þarft að finna þér lausar stundir til þess að eyða í friði og ró. Sigrar eru á næsta leyti svo þú skalt ekki gefa þig í afstöðu þinni til ýmissa málefna.
Þú ert fullur sjálfstrausts og tilbúinn til þess að láta í þér heyra. Þú átt svo auðvelt með að fara þínu fram, að þú þarft að gæta þess að ganga ekki of nærri öðrum.
Samræður við vini og vandamenn afhjúpa nýjar aðferðir við að gera hlutina. Vertu því fordómalaus í annarra garð.
Þú þarft að endurvekja hæfileika þinn til að tjá þig. Láttu ekki deigan síga þótt langt sýnist til lands.
Hugsjónir þínar og réttlætiskennd eru sérlega sterk þessa dagana. Þú átt einstaklega auðvelt með að koma auga á málsatriði, sem öðrum virðast hulin.
Þótt þú hafir sett markið hátt er engin ástæða til að ætla annað en þér takist að ná því. Reyndu að átta þig á hvað býr undir spurningu eða beiðni sem þér berst.
Það eru einhver atriði sem þú þarft að fara betur í gegnum áður en þú ert tilbúinn til nýrra átaka. Sýndu því þolinmæði og stattu stormana af þér.
Þér finnst þú hafa verið aðkrepptur í nokkurn tíma og langar til þess að varpa af þér okinu. Hættu að velta þér upp úr mistökunum.
Láttu ekki blekkjast í dag. Ekki einblína á það sem gengur illa, heldur það sem gengur vel og byggðu á því.
Nú skaltu bretta upp ermarnar og taka til hendinni heima hjá þér. Gefðu þér tíma til að rannsaka málin áður þú reynir að leysa þau.
Öðrum finnst þú þurfa lítið að hafa fyrir hlutunum af því að þú berð ekki utan á þér hvað vandlega þú vinnur þín störf. Of mikil pressa getur sett allt á annan endann.