Blinken fer til Ísraels og Jórdaníu
Setja bókamerki
Antony Blinken, utanríkisráðherra Bandaríkjanna, mun ferðast til Ísraels og Jórdaníu í vikunni samkvæmt fréttatilkynningu bandaríska utanríkisráðuneytisins.
Tilkynningin um ferð Blinkens kemur í kjölfar þess að Joe Biden Bandaríkjaforseti og Benjamín Netanjahú, forsætisráðherra Ísraels, ræddu símleiðis um áframhaldandi viðræður um að stöðva sókn Ísraels á Gasasvæðinu. Yrði það gert gegn því að gíslum yrði sleppt.
Blinken er á ferðalagi til Sádi-Arabíu og fer til Ísraels og Jórdaníu eftir það.
Hefur áhyggjur af stöðunni
Fulltrúar Bandaríkjanna, Egyptalands og Katar hafa allir reynt að koma vopnahléi til leiðar í marga mánuði. Að auki hefur þrýstingurinn á stjórnvöld aukist af hálfu almennings.
Biden ítrekaði áhyggjur sínar af því að Ísrael hafi hafið aðgerðir í Rafah sem er borg suður á Gasasvæðinu. Þar hafa yfir ein milljón Palestínumanna leitað skjóls vegna átakanna.
Vinnur að vopnahlésaðgerðum
Matthew Miller, talsmaður bandaríska utanríkisráðuneytisins, segir að Blinken muni vinna að vopnahlésaðgerðum. Hann bætti jafnframt við:
„Það eru Hamas-samtökin sem standa á milli palestínsku þjóðarinnar og vopnahlés.“
Sundagöng koma einnig til greina
Kostnaður meira en 100-faldast
Ný landamærastefna í júní eða júlí
Fræsa og malbika Reykjanesbraut
Vilja selja fyrir tæpa 13 milljarða í Íslandshótelum
Blinken kominn til Úkraínu – Rússar herða sókn
Ákall eftir forseta án tengsla við valdöfl og fjármálakerfi
Barnalög endurskoðuð til að bregðast við