Söngkonan Adele skilin

Adele hefur skilið við eiginmann sinn Simon Konecki. Þetta staðfesta að aðstoðarmenn söngkonunnar.

Í yfirlýsingu sem var gefin út í gær kemur fram að þau muni halda áfram að ala upp son sinn í sameiningu af mikilli ástúð, að því er BBC greinir frá.

Adele, sem er þrítug, ól soninn Angelo árið 2012. Hún giftist Konecki árið 2016 eftir að þau höfðu verið saman í fimm ár.

Söngkonan heimsfræga er þekkt fyrir plöturnar 19, 21 og 25 sem hafa notið mikilla vinsælda.

Adele minntist í fyrsta sinn á hjónabandið opinberlega þegar hún tók á móti Grammy-verðlaununum árið 2017 og þakkaði eiginmanni sínum.

• Blogga um frétt