Aukin sjálfvirkni á Norðurgarði
Setja bókamerki
Tengdar fréttir
Nýsköpun og tækni í sjávarútvegi
Síðustu vikurnar hefur vinnsla í fiskiðjuveri Brims hf. á Norðurgarði aukist smátt og smátt eftir sumarhlé. Unnið hefur verið að gagngerri endurnýjun í vinnslunni og ný tæki frá Marel, Curio og fleiri fyrirtækjum hafa leyst þau eldri af hólmi. Uppsetningu og prófunum lýkur á næstunni og er gert ráð fyrir að fullum afköstum verði náð er líður á októbermánuð.
Ægir Páll Friðbertsson, framkvæmdastjóri Brims, segir að aukin sjálfvirkni einkenni breytingarnar. Hann nefnir þrjár vatnsskurðarvélar frá Marel sem skeri flakið. Róbótar raði fisknum í kassa og aðrir róbótar raði kössunum síðan á bretti.
Um 130 starfsmenn
Í dag vinna um 130 starfsmenn við fiskvinnsluna á Norðurgarði. Ægir Páll segir að störf hluta starfsfólks muni breytast með aukinni sjálfvirkni þó svo að fjöldi starfsmanna verði svipaður gangi áætlanir um unnið magn eftir. Eitt af markmiðunum sé að vinna fleiri kíló í fiskiðjuverinu á hvern starfsmann heldur en áður. Nýi búnaðurinn er einkum ætlaður fyrir vinnslu á þorski og ufsa, en ekki hafa verið gerðar breytingar á karfavinnslunni.
Starfsemi var tímabundið hætt á Norðurgarði í lok apríl þegar undirbúningur hófst að uppsetningu á fullkomnum vinnslu- og hugbúnaði fyrir bolfiskvinnslu, auk endurbóta og nauðsynlegra lagfæringa á húsnæðinu. Uppkeyrsla vinnslunnar hófst svo 22. júlí. Áætlað er að ljúka síðustu verkþáttum framkvæmdanna í lok september og að vinnslan verði þá komin á fullt í lok október.
Nánari umfjöllun er að finna í Morgunblaðinu í dag.
Strand skemmtiferðaskips kallar á erlenda aðstoð
Kaldasti veturinn kom að óvörum
Krefjast stöðvunar framkvæmda
Sex hafa greinst með listeríu
Shakespeare fannst í skókassa
/frimg/1/48/74/1487454.jpg)
Heldur inn í nóttina tuttugu kílóum léttari
Kostnaður meiri en milljón á fermetra