Framleiða og setja kælikerfi í þrjú skip
Setja bókamerki
Danska skipasmiðastöðin Karstensen Skibsværft hefur ákveðið að kaupa Optim-ICE kælibúnað frá Kapp ehf. í þrjú skip sem eru í smíðum og gerð verða út frá Noregi. Samningur þess efnis var undirritaður í gær, að því er fram kemur í fréttatilkynningu frá Kapp.
Skipin þrjú eru smiðuð fyrri norskar útgerðir á vesturströnd Noregs, samkvæmt upplýsingum á vef Karstensen.
Hið 2.600 brúttótonna skip Havsnurp er 70 metra að lengd og 14,8 metra að breidd. Skipið er smíðað fyrir Havsnurp AS og verður heimahöfn þess Midsund. Gollenes verður jafn stórt og Havsnurp en verður gert út af Kvalsvik & Ose AS frá Fosnavåg. Þriðja skipið mun bera nafnið Sille Marie og verður 66 metra að lengd og 14 metra að breidd, alls 2.000 brúttótonn. Sille Marie mun vera gerð út af Sille Marie AS frá Kristanssand.
Skipin eru hönnuð af Karstensen Skibsværft í samvinnu með kaupendur og er samkvæmt áætlun stefnt að því að Gollenes verði afhent fyrst, í mars 2023. Síðan verður Sille Marie afhent í júní á næsta ári og að lokum Havsnurp í október. KAPP mun sjá um framleiðslu og uppsetningu á Optim-ICE ískrapakerfum um borð.
„Þetta er stór og mikilvægur samningur og sérstaklega í ljósi þess að Rússland hefur lokast. Rússland hefur verið stór markaður fyrir okkur en við höfum þurft að hugsa upp á nýtt og stilla upp nýju leikkerfi. Það er því afar ánægjulegt að ná að þessum mikilvæga samningi við dönsku skipasmiðastöðina Karstensen Skibsværft. Það opnast ný tækifæri og við horfum björtum augum til framtíðar,“ segir Freyr Friðriksson, eigandi Kapp, í fréttatilkynningunni.
Fullyrðir Freyr að kælikerfi Kapp hafi sannað sig semgóð hraðkæling fyrir útgerðir og fiskvinnslur „Um er að ræða fljótandi ís sem leysir af hólmi hefðbundinn flöguís og er framleiddur um borð í skipunum. Kælingin umlykur fiskinn og heldur honum í kringum núll gráður allan fiskveiðitúrinn, í löndun, í flutningum og svo framvegis. Kælikeðjan rofnar því aldrei með Optim-ICE.“
Hvorki sést áður hér á landi né annars staðar
„Höfum ekki náð að skríða upp úr þeirri gryfju“
Kaldasti veturinn kom að óvörum
Frambjóðendur skila inn listum í Hörpu
Telur forsendur fyrir vaxtalækkun
Væri að ljúga ef ég segðist ekki stressaður
Strand skemmtiferðaskips kallar á erlenda aðstoð
Sex hafa greinst með listeríu