Landhelgisgæslan fær heimild til að sekta
Setja bókamerki
Ný heildarlög um áhafnir skipa taka gildi um áramótin og eiga þau að skila skýrari regluverki og skilvirkara eftirliti. Þá verður Landhelgisgæslunni veitt heimild til að leggja á stjórnvaldssektir fyrir brot gegn ákvæðum laganna.
Þórhildur Elínardóttir, samskiptastjóri Samgöngustofu, segir Landhelgisgæslan hafi til þessa þurft að kæra öll mál til lögreglu. „Slíkt ferli hefur verið óþarflega þunglamalegt og dýr umsýsla að einföld brot þurfi alltaf að rata fyrir dóm.“
Þá verður veitt meðal annars heimild til að sekta aðila fyrir að stjórna skemmtibát án tilskilinna réttinda, fyrir að brjóta reglur um lögskráningu, svo sem að lögskrá rétt og vera með réttar tryggingar áður en siglt er af stað. Auk þess að sekta skipstjóra fyrir að fela öðrum en þeim sem hefur réttindi til þess hlutverk um borð í skipi, til dæmis ábyrgð á siglingavakt í brú.
Svo verður heimilt að sekta útgerð ef hún getur ekki framvísað heilbrigðisvottorði fyrir alla skipverja þegar innleiddar hafa verið viðeigandi heilbrigðiskröfur fyrir allar stöður.
Eldgosinu er lokið
Eldgosinu lokið en getum búist við öðru
Hvernig er vitað að þessi kona átti þetta barn?
Vannýtt alþjóðleg tækifæri í heilbrigðiskerfinu
María Sigrún svarar Degi fullum hálsi
Goslok hafa ekki áhrif á vinnuna
Merkilegt hve lengi gosið hélt dampi