„Þetta er mjög sorglegt atvik sem okkur þykir mjög leitt að hafi átt sér stað,“ segir Ivan Vindheim, forstjóri Mowi, um strok 3.500 laxa úr sjókví Arctic Fish í Patreksfirði í ágúst, en Mowi fer með meirihluta í Arctic Fish.

Vindheim kveðst ekki geta tjáð sig um kringumstæður atviksins þar sem málið hefur verið til skoðunar hjá lögreglustjóranum á Vestfjörðum en segir að Mowi sé með stefnu um að engir laxar strjúki úr sjókvíum félagsins og því sé hvert atvik of mikið. „Ég hef trú á því að það verði hægt að reka fiskeldi án þess að laxar strjúki.“

Frétt af mbl.is

„Það hefur greinilega eitthvað klikkað“

Stærstir á heimsvísu

Spurður hvort greinin geti endurheimt traust svarar hann:

„Þegar kemur að trausti er það eitthvað sem maður byggir upp einn millimetra í einu, en ef það rofnar gerist það í kílómetrum. Það verður því mikilvægt fyrir okkur nú í framhaldinu að sýna samfélaginu að við séum traustsins verð. Mowi leggur mikla áherslu á sjálfbærni og hefur hlotið viðurkenningu fyrir að framleiða sjálfbærasta dýraprótein í heimi fjögur ár í röð. Ég vil því halda því fram að við séum með mjög góða forsögu í þessum efnum.“

Mowi er stærsti framleiðandi á atlantshafslaxi í heiminum og framleiddi 464 þúsund tonn á síðasta ári sem eru um 20% framleiðslu tegundarinnar á heimsvísu.

Rætt er við Vindheim í ítarlegu viðtali í sérstöku blaði 200 mílna um eldis- og ræktunargreinar sem fylgir Morgunblaðinu í dag í tilefni af ráðstefnunni Lagarlíf.

Tengdar fréttir

Fiskeldi

Sjókvíaeldi stefnir í átt að samþættri hringrás

• Ræða um rekstrarleyfi til 16 ára
• Mikilvægt að endurskoða leyfi til lagareldis
• Aldrei meira til Austfjarða úr fiskeldissjóði
• Björk varar við frumvarpi ríkisstjórnarinnar

» Fleiri tengdar fréttir