Olíukaup í Færeyjum spara tugi milljóna
Setja bókamerki
Æfingar íslensku varðskipanna í Færeyjum hafa reynst Landhelgisgæslunni drjúgar og leitt til sparnaðar í olíukaupum sem nemur tugum milljóna, að því er segir í umfjöllun Morgunblaðsins.
Áhöfnin á varðskipinu Þór hélt sameiginlega æfingu með áhöfn varðskipsins Brimils við Þórshöfn í Færeyjum í síðustu viku. Æfingar sem þessar fara reglulega fram og eru nauðsynlegar fyrir starfsfólk Landhelgisgæslunnar sem fær mikilvægt tækifæri til að æfa með áhöfnum systurstofnana hennar, að sögn Ásgeirs Erlendssonar upplýsingafulltrúa.
Frá aldamótum hafa varðskip Landhelgisgæslunnar tekið olíu í Færeyjum þegar þau hafa verið við eftirlitsstörf djúpt austur af landinu eða við æfingar með dönsku og færeysku varðskipunum. Ríkisendurskoðun komst að þeirri niðurstöðu fyrir tveimur árum, í stjórnsýsluúttekt á Landhelgisgæslu Íslands, að stofnunin ætti að hætta olíutöku í Færeyjum og beina þess í stað viðskiptunum til Íslands.
Þegar litið sé til þeirra fjármuna sem Landhelgisgæslan fær til reksturs stofnunarinnar og heildarhagsmuna ríkisins sé varla hægt að líta á það sem svo að um raunverulegan sparnað sé að ræða. Sá virðisaukaskattur, sem stjórnendur Landhelgisgæslunnar vísi til að skeri úr um hvar borgi sig að kaupa eldsneyti, renni allur til ríkissjóðs.
Ásgeir segir að síðan álit Ríkisendurskoðunar var sett fram hafi forsendur breyst og rekstur Landhelgisgæslunnar orðið mun þyngri. Þar vegi stórhækkaður olíukostnaður þungt. Hið nýja varðskip Freyja eyðir mun meira eldsneyti en Týr, sem Freyja leysti af hólmi, enda fjórfalt stærra skip.
Nánar er fjallað um málið í Morgunblaðinu í dag.
Fylgi Höllu hrundi eftir kappræðurnar
„Gleymum því ekki að okkar vali fylgir ábyrgð“
Skuldahalinn lengist í Reykjavík
Goslok hafa ekki áhrif á vinnuna
Hvernig er vitað að þessi kona átti þetta barn?
Kíghósti á töluverðri dreifingu í samfélaginu
„Þetta þarf að fara að gerast“