Vísar gagnrýni á togararall á bug
Setja bókamerki
„Það er eins fjarri og hugsast getur að við séum bara að nota togararallið við mat á stofnstærð botnfiska,“ segir Þorsteinn Sigurðsson forstjóri Hafrannsóknastofnunar í samtali við Morgunblaðið, en hann bregst þannig við grein Guðlaugs Jónssonar sjómanns sem birtist í blaðinu í gær og vísar gagnrýni hans algerlega á bug.
Þar vefengir Guðlaugur veiðiráðgjöf Hafrannsóknastofnunar í botnfiski sem hann segir byggjast alfarið á niðurstöðum togararalla sem fram fara árlega. Hann bendir m.a. á að Norðmenn telji botntroll eitt og sér ekki nothæft til slíkra mælinga.
Sömu aðferðum beitt
Þorsteinn segir að nákvæmlega sömu aðferðum sé beitt hér við land og Norðmenn gera, eins og um 90% þeirra sem meta stofnstærð botnfiska í heimshöfunum geri. Hann segir að notast sé við niðurstöður úr tveimur röllum og einnig stuðst við gögn úr veiðum skipa. Þessar upplýsingar séu metnar saman.
„Það að eitthvað af fiskinum fari undir fótreipið og bobbingana er ekki stóra málið, heldur erum við að nota sama veiðarfærið í ár og við notuðum fyrir 40 árum,“ segir hann og vísar til þess að farið hefur verið í togararöll frá árinu 1985.
Hægt er að nálgast umfjöllunina í heild sinni í Morgunblaðinu í dag.
/frimg/1/48/82/1488234.jpg)
Aðeins níu meðmælendur í öðru framboðinu
3.800 gígawattsstundir af viðbótarorku árlega
„Eigum eftir að sjá miklar sviptingar“
11 verða í framboði til embættis forseta Íslands
„Mjög ánægður með útkomuna“
Hægist á eftir mikinn uppgang
Verið að búa til „óánægju og kergju“