Breska lággjaldaflugfélagið EasyJet hefur flug á milli Íslands og Parísar í haust. Um er að ræða nýja flugleið hjá flugfélaginu sem flýgur nú þegar til Íslands frá sex öðrum stöðum í Evrópu. EasyJet flýgur á Orly-flugvöllinn. 

Greint er frá nýju flugleiðinni á vef Isavia. 

„Við erum virkilega ánægð með að easyJet hafi ákveðið að bæta við nýjum áfangastað frá Keflavíkurflugvelli. Það segir okkur hversu vinsæll áfangastaður Ísland er fyrir ferðamenn. Við erum spennt að taka á móti gestum easyJet frá París síðar á árinu,“ segir Grétar Már Garðarsson, forstöðumaður flugfélaga og leiðaþróunar hjá Isavia í tilkynningu á vef Isavia. 

Fram kemur í tilkynningu að fyrsta flugið verður 3. september 2024 og mun easyJet fljúga tvisvar sinnum í viku í vetur. Auk þess flýgur flugfélagið frá Bristol, Edinborg, London Gatwick, London Luton, Manchester og Mílanó. 

EasyJet flýgur reglulega til Íslands og nú bætist París við. AFP

Íslensku flugfélögin fljúga nú þegar til Parísar

Íslendingar sem ætla skella sér til Parísar á næstunni geta valið um fleiri flugfélög en áður. Icelandair flýgur á Charles de Gaulle-flugvöllinn. Play flýgur einnig til París og lendir einnig á flugvellinum sem er kenndur við Charles de Gaulle. 

Tengdar fréttir

Borgarferðir

48 tímar í Köben: Hönnunarparadís, sjósund og lífleg matarupplifun

• Féll fyrir Berlín og flutti ekki aftur heim
• Finnar bjóða upp á ókeypis hamingjunámskeið
• Hvert er best að ferðast í júní?
• Vilja hefja beint flug til Íslands

» Fleiri tengdar fréttir

Frakkland

Fimm magnaðar sundlaugar sem þú verður að sjá

• Þessu pakka tískudrottningar fyrir ferð til Parísar
• Olga og Andri trúlofuð í borg ástarinnar
• Laufey setti upp friðarmerki í París
• Ísland á lista yfir rómantískustu áfangastaði í heimi

» Fleiri tengdar fréttir

• Blogga um frétt