Lokaundirbúningur fyrir 75. Golden Globe-verðlaunahátíðina stendur nú yfir í Hollywood, en hátíð fer fram á morgun, sunnudag.
Golden Globe mun setja tóninn fyrir komandi uppskerutímabil í kvikmynda- og sjónvarpsgeiranum og gera má ráð fyrir að #metoo-byltingin verði fyrirferðarmikil á hátíðinni.
Fjöldi leikkvenna og leikara hefur lýst því yfir að þau muni klæðast svörtu á hátíðinni í mótmælaskyni vegna þeirrar framkomu sem konur í bransanum hafa mætt af hálfu áhrifamanna í kvikmyndaiðnaðnum.
Augu allra munu því líklega beinast að þakkarræðum kvöldsins sem og kynni kvöldsins, Seth Myers, og hvernig tekið verður á þeirri ómenningu sem ofbeldið innan geirans er.