Nafn frumburðar raunveruleikastjörnunnar Khloe Kardashian og NBA-leikmannsins Tristan Thompson hefur verið afhjúpað, fjórum dögum eftir fæðingu stúlkunnar.
„Litla stúlkan okkar, True Thompson, hefur stolið hjörtum okkar algjörlega og við erum yfir okkur ástfangin,“ skrifar Khloe á Instagram-aðgangi sínum og heimasíðu.
A post shared by Khloé (@khloekardashian) on Apr 16, 2018 at 12:15pm PDT
Khloe hafði áður gefið upp að hún væri að hugsa um nöfn sem byrjuðu á T eða K, en allar Kardashian- og Jenner-systurnar bera nafn með upphafsstafnum K.
Eftirnafn stúlkunnar hefur komið dyggum aðdáendum Khloe í opna skjöldu, sérstaklega í ljósi nýlegra frétta af meintu framhjáhaldi Thompson á meðan Khloe var ófrísk.
Frétt mbl.is: Kærastinn sakaður um að halda fram hjá
Öll systkini Khloe hafa gefið börnum sínum eftirnafn föðurins, hvort sem um hjónaband er að ræða eða ekki.