Kylie Jenner eignaðist sitt fyrsta barn fyrir þremur mánuðum. Nú er hún komin í gamla gírinn og byrjuð að sýna sig á sundbolnum. Jenner flaug ásamt kærasta sínum Travis Scott og dóttur þeirra Stormi Webster til Bahamaeyja til þess að fagna 26 ára afmæli Scott.
Jenner er greinilega komin í ágætisform eftir barnsburðinn og var dugleg að deila myndum af sér á sundfötunum þar sem þau Scott skemmtu sér á snekkju. Á meðan foreldrarnir nutu lífsins var hin þriggja mánaða gamla Stormi hjá barnsfóstru sinni.
Bahama-ferðin er ekki það eina sem parið hefur gert í tilefni afmælisins eins og fram kemur á vef People en Jenner tók heilan skemmtigarð á leigu í síðustu viku og bauð vinum og fjölskyldu í tilefni afmælis Scott. Mættu þá auðvitað Kardashian-klanið þau Kendall Jenner, Kourtney Kardashian, Kim Kardashian og Kanye West í afmælið.