Bréfsprengjur til Obama og Clinton
Setja bókamerki
Grunur leikur á um að sprengjubúnaður hafi verið í pakka sem átti að berast á heimili Bills Clinton, fyrrverandi forseta Bandaríkjanna, og eiginkonu hans Hillary Clinton, fyrrverandi utanríkisráðherra landsins, í New York.
New York Times greinir frá því að samskonar búnaður hafi einnig fundist í pakka sem átti að berast á heimili Baracks Obama, fyrrverandi forseta Bandaríkjanna, í Washington.
Bandaríska leyniþjónustan hefur lagt hald á pakkana en hvorki Obama og fjölskylda hans, né Clinton-hjónin fengu þá í hendurnar.
Starfsmaður sem sér um að fara yfir póst sem er stílaður á Hillary Clinton fann pakkann seint í gær. Starfsmenn bandarísku leyniþjónustunnar fundu pakka sem átti að berast á heimili Obama snemma í morgun, að sögn New York Times.
Aðeins tveir dagar eru liðnir síðan bréfsprengja var send á heimili milljarðamæringsins George Soros í New York.
Fordæmir leyndarhyggju í skólamálum
„Trúlega rákumst við saman“
Myndskeið: Hátt í 140 lömb á tveimur sólarhringum
Kemur ekki til greina að semja við ESB
„Bíð bara eftir að það fari að gjósa aftur“
Fannari líst ágætlega á aðgerðirnar